पहिरोले गोठ पुरिँदा एक जनाको मृत्यु

काठमाडौं । अर्घाखाँचीको शितगंगा नगरपालिका–१३ सिमलपानीमा पहिरोले गोठ पुरिँदा एक जनाको मृत्यु भएको छ ।मंगलबार बिहान अविरल वर्षाको कारणले गएको पहिरोले पुरिएर ३५ वर्षीय बिष्णु थापाको मृत्यु भएको हो ।

पहिरो खस्न थालेपछि पशुचौपायालाई गोठबाट बाहिर निकाल्न गएका थापाको पहिरोले च्यापिएर घटनास्थलमै मृत्यु भएको प्रहरीले जनाएको छ । साथै गोठमा रहेको एउटा पाडो र दुईवटा बाख्रा समेत च्यापिएर मरेका छन् । पहिरो पक्की पिल्लरसहित रहेको २ तले गोठ माथिबाट खसेको थियो ।