वीरगन्जमा ट्रकको ठक्करबाट पैदलयात्रीको मृत्यु

काठमाडौं । वीरगन्ज महानगरपालिका–१४ स्थित सडकमा ट्रकको ठक्करबाट पैदलयात्रीको मृत्य भएको छ । परवानीपुरबाट वीरगन्जतर्फ जाँदै गरेको बाग्मती प्र.०३–००१ ख ३२३८ नम्बरको ट्रकको ठक्करबाट गएराति पैदलयात्रीको मृत्यु भएको हो ।

मृत्यु हुनेमा हाल नाम, थर, वतन नखुलेका अन्दाजी ३० वर्षीय पुरूष रहेका छन् । दुर्घटनाबाट गम्भीर घाइते भएका उनको नारायणी अस्पताल वीरगन्जमा उपचारको क्रममा मृत्यु भएको हो ।

प्रहरीले ट्रक चालकलाई नियन्त्रणमा लिई दुर्घटनाका सम्बन्धमा आवश्यक अनुसन्धान गरिरहेको छ ।