जुवातास खेलिरहेको अवस्थामा ११ जना पक्राउ

काठमाडौं । बैतडी र डडेल्धुराबाट जुवातास खेलिरहेको अवस्थामा ११ जना पक्राउ परेका छन् ।

बैतडीको पाटन नगरपालिका–४ मोहनपुरस्थित अन्नपुर्ण होटेलमा जुवातास खेलिरहेको अवस्थामा ५ जना पक्राउ परेका हुन् । सोही ठाउँ बस्ने होटल संचालक ४२ वर्षीय गणेश सिंह विष्टसहित ५ जनालाई बिहीबार साँझ प्रहरीले पक्राउ गरेको हो । इलाका प्रहरी कार्यालय पाटनबाट खटिएको प्रहरी टोलीले उनीहरूलाई नगद ६२ हजार ७ सय ७० रूपैयाँ र १ बुक तास सहित पक्राउ गरेको हो

यसैगरी डडेल्धुराको अमरगढी नगरपालिका–५ तुफानडाँडा बस्ने खडक बहादुर देउवाको घरमा जुवातास खेलिरहेको अवस्थामा खडक बहादुरसहित ६ जनालाई प्रहरीले पक्राउ गरेको छ । जिल्ला प्रहरी कार्यालय डडेल्धुराबाट खटिएको प्रहरीले उनीहरूलाई नगद १२ हजार ३ सय ५५ रूपैयाँ र १ सय ६० पत्ती ताससहित बिहीबार दिउँसो पक्राउ गरेको हो ।

यस सम्बन्धमा प्रहरीले आवश्यक अनुसन्धान गरिरहेको छ ।