चीनले निर्माण गरिरहेको पुल विश्वकै लामो भएको दाबी

काठमाडौं  । चीनले भौतिक पूर्वाधार विकासमा चमत्कारिक फड्को मारिरहेको छ । यसै सिलसिलामा पूर्वी चीनको जिआङ्सु प्रान्तको चाङ्झाउ र ताइझोउलाई जोड्ने चाङ्ताई याङ्त्जे नदीको पुल संसारकै लामो भएको दाबी गरिएको छ । 

पुल निर्माण गरिरहेका इन्जिनियरहरूले पुलको १२०८ मिटर लामो केबल खण्ड संसारकै सबैभन्दा लामो भएको दाबी गरेका छन् । पुल निर्माणमा ठूलो चुनौतिहरु मोलेका बताएका छन् । 

चाङ्ताई याङ्त्जे नदीको पुल केबल–स्टेड ब्रिज, दुई आर्क ब्रिज र एक बीम ब्रिज मिलेर बनेको छ । मुख्य पुलको ताइझोउ र चाङ्झाउ छेउमा रहेका दुई वटा आर्क पुलहरू प्रत्येक ३८८ मिटर लामो छन् । पुलको निर्माण सन् २०१९ मा सुरु भएको थियो ।