एचआइभी संक्रमित समाजमा खुल्दै

सधैँ समाजको डर र लाजले रोगदेखि भित्रभित्रै लड्दै आइरहेका एचआइभी संक्रमित बिरामी खुलेरै समाजमा जीवनयापन गर्नुका साथै आफ्नो जीवनको आयुलाई बढाउँदै छन् जिल्लामा रहेका ३१२ एचआइभी संक्रमितमध्ये हाल ४१ जना बिरामी समाजमा खुलैर हिँड्ने गरेका छन् । एचआइभी संक्रमित बिरामीमध्ये ८७ प्रतिशतले नियमित एआरटी सेवा लिएको स्वास्थ्य कार्यालयले जनाएको छ । जिल्लाको एक मात्र मिसन अस्पतालबाट संक्रमित बिरामीका लागि निःशुल्करुपमा एआरटी सेवा प्रदान गरिँदै आएको छ अघिल्लो वर्षको तुलनामा १७ जना एचआइभी संक्रमित थपिएको स्वास्थ्य कार्यालयका सूचना अधिकारी माधव ज्ञवालीले जानकारी दिनुभयो । गाउँगाउँमा जनचेतनामूलक कार्यक्रम सञ्चालन गरिन थालेपछि पछिल्लो समय उनीहरु गाउँ समाजमा बिस्तारै खुल्न थालेको उनले बताए ।

जिल्लाका एचआइभी संक्रमित अहिले प्रतिबद्ध सहयोग समूह गठन गरेर गाउँगाउँमा जनचेतना फैलाउँदै आइरहेको समूहकी अध्यक्ष लक्ष्मी कुँवरले बताइन । उनी एचआइभी संक्रमित भएको अहिले २२ वर्ष भइसक्यो । नियमित औषधि सेवन गरेका कारण अरुसरह नै समाजमा जीवन जिउँदै आएको कुँवरको भनाइ छ “एचआइभी संक्रमित आफूमा छ भनेर आत्तिहाल्नु पर्दैन, नियमित औषधि सेवन गरियो भने लामो समयसम्म अन्य व्यक्तिसरह नै बाँच्न सकिन्छ”– उनले भनिन् व्यक्तिलाई राम्रो र नराम्रो दर्जा दिने भनेको हाम्रो अन्धविश्वास र रुढीवादी समाज हो ।

अन्धविश्वास र रुढीवादी समाजको घेराबाट बाहिरी संसारमा खुलेआम निस्किएर सबैसँग हातेमालो र सहकार्य गरेर एचआइभी संक्रमितलाई अगाडि बढ्न जिल्ला स्वास्थ्य कार्यालय पाल्पाले ठूलो सघाउ पु¥याएको छ । एचआइभी संक्रमितलाई दीर्घ जीवन बाँँच्न हातेमालो गर्दै विभिन्न जनचेतनामूलक कार्यक्रम गर्दै आइरहेको कार्यालयले जनाएको छ ।