नेपालमा कोरोना अपडेट : १६ जना संक्रमित निको भए, १ सय १० जना आईसोलेसनमा

लोकपथ संवाददाता

२०७७,बैशाख,१४,आईतवार १७:०५

काठमाडौं – नेपालमा हालसम्म आरडिटी र पिसीआर दुवैविधीमार्फत् कुल ५१ हजार ३ सय ६७ वटा परीक्षण गरिएकोमा १६ जना संक्रमित उपचारपछि निको भएर घर फर्केका छन् । वीरगञ्जस्थित नारायणी अस्पतालमा उपचार गराइरहेका चार जना संक्रमित आइतबार निको भएर घर फर्किएसँगै नेपालमा संक्रमितमध्ये एक तिहाई निको भएको स्वास्थ्य तथा जनसंख्या मन्त्रालयले जनाएको छ ।

हालसम्म नेपालमा कोरोना संक्रमितको संख्या ५१ रहेको छ । आईतबार डिस्चार्ज हुनेहरुमा छपकैयाको मक्की जामे मस्जिदमा बसेका तीन भारतीय र रौतहटका एक युवक रहेको मन्त्रालयले जनाएको छ ।

यस्तै वीरगञ्जमा थप दुई जनामा कोरोना भाइरस कोभिड–१९ को संक्रमण भएको पुष्टि भएसँगै संक्रमितको संख्या ५१ पुगेको हो ।

वीरगञ्ज महानगरपालिका ३ र १६ का पुरुषमा कोरोना संक्रमण पुष्टि भएको हो । कोरोना संक्रमित भारतीय जमातीहरुको सम्पर्कमा रहेकाहरुको परीक्षणका क्रममा छपकैयाका महानगरको सरसफाइ शाखामा कार्यरत कर्मचारीमा संक्रमित पाइएको स्वास्थ्य तथा जनसंख्या मन्त्रालयले जनाएको छ ।

अर्का संक्रमित सिद्धार्थ माविको क्वारेन्टाइनमा राखिएका पुरुष हुन् । उनलाई सम्भावित संक्रमितका रुपमा क्वारेन्टाइनमा राखिएको थियो । संक्रमणको पुष्टि भएपछि दुबैलाई नारायणी अस्पताल भर्ना गरिएको मन्त्रालयले जनाएको छ । हालसम्म आरडिटी र पिसीआर विधीबाट कुल ५१ हजार ३ ६७ जनामा कोरोना परीक्षण गरिएको छ ।

यीमध्ये आरडिटी विधीबाट हालसम्म ४१ हजार ४ सय ३६ वटा नमूना जाँच गरिएको छ । त्यस्तै पिसीआर विधीबाट ९ हजार ९ सय ३१ जनाको जाँच गरिएको छ । गत २४ घण्टामा मात्रै २ हजार ९६ वटा जाँच गरिएको छ ।

हालसम्म आरडिटी विधीबाट प्रदेश नम्बर १ मा ४ हजार ३ सय ८ वटा, प्रदेश २ मा ५ हजार १ सय ४१ वटा जाँच गरिएको छ । वाग्मती प्रदेशमा ७ हजार ५ सय ९१ वटा जाँच गरिएको छ । गण्डकी प्रदेशमा ४ हजार ९ सय २४ वटा परीक्षण सम्पन्न भएको छ । प्रदेश ५ मा हालसम्म ३ हजार ३ सय २६ जनाको जाँच गरिएको छ ।

कर्णाली प्रदेशमा हालसम्म ४ हजार ९ सय ७४ वटा जाँच गरिएको छ । त्यस्तै सुदूरपश्चिम प्रदेशमा हालसम्म आरडिटी विधीबाट ११ हजार १ सय ७२ जनाको जाँच गरिएको मन्त्रालयका प्रवक्ता डाक्टर विकास देवकोटाले नियमित प्रेस ब्रिफिङमा जानकारी दिए ।

नेपालमा हालसम्म १७ हजार २५ जना मानिस क्वारेन्टाईनमा बसीरहेका छन् । प्रदेश १ मा ४ हजार ५ सय ७० जना, प्रदेश २ मा ३ हजार ९ सय २ जना, वाग्मती प्रदेशमा ४ हजार ६ सय ३६ जना, गण्डकी प्रदेशमा ३ हजार ६५७ जना, प्रदेश ५ मा १३ हजार १ सय १९ जना, कर्णली प्रदेशमा ५ हजार ४ सय ८० जना र सुदूरपश्चिम प्रदेशमा ५ हजार ९ सय ५१ जना मानिस क्वारेन्टाईनमा बसेको डाक्टर देवकोटाले जानकारी दिए ।

यस्तै काठमाडौं उपत्यकामा ६ जनासहित हालसम्म नेपालमा १ सय १० जना मानिस आईसोलेसनमा बसीरहेका छन् ।
मन्त्रालयले दिएको जानकारी अनुसार ११३३ र १११५ मा गत २४ घण्टा २ हजार ७१ वटा कल आएका छन् ।

ति सबै कलको चिकित्सले जवाफ दिएका छन् । त्यस्तै मन्त्रालयको वेवपेजमा आफूलाई कोरोनासाग मिल्दोजुल्दो लक्षण देखीएको भन्दै स्वमूल्यांकन गर्न विवरण भर्नेहरुको संख्या हालसम्म २८ हजार ८ सय १० जना रहेका छन् ।

जसमध्ये गत २४ घण्टामा ६ जना रेड जोनमा परेका छन् । गत २४ घण्टामा भरिएका ८ सय ९५ जनाको विवरणबाट संभावित संक्रमित संख्या छुट्टयाईएको हो ।

यसअर्थ हालसम्म कोरोना संभावित व्यक्ति २ सय ९६ जना पुगेका छन् । यसलाई मन्त्रालयले रेड जोनमा राखेको छ । तिनको ईपिडिमियोलोजी तथा रोग नियन्त्रण महाशाखाबाट सोधपुछ र ट्रेसिङ गर्ने काम भइरहेको छ ।

हालसम्म नेपालमा भेटिएका संक्रमितमध्ये धनगढीमा १ जना, विरगञ्जमा ३ जना, भरतपुरमा १ जना विरगञ्जमा ३० जना गरी ३५ जनाको उपचार भइरहेको छ ।

कोरोना भाइरसबाट विश्वभर ४९ नेपालीको मृत्यु

विश्वभर फैलिएको कोरोना भाइरस महामारी ‘कोबिड–१९’ बाट शनिवार (२५ अप्रील २०२०) साँझसम्म मृत्यु हुने गैरआवासीय नेपालीहरुको संख्या ४९ पुगेको छ ।

गैरआवासीय नेपाली संघ अन्तरर्गतको स्वास्थ्य समितिले संकलन गरेको तथ्यांकअनुसार बेलायतमा ३३, अमेरिका १०, युएई २, आयरल्याण्ड १, जापान १, टर्कि १ र नेदरल्याण्डमा १, जनाको ज्यान गएको हो ।

स्वास्थ्य समितिका संयोजक डा. सञ्जीव सापकोटाका अनुसार नेपाल बाहेक विश्वभर १ हजार ९ सय ८३ जना गैरआवासीय नेपालीहरु कोरोनाबाट संक्रमित भएका छन् ।

विश्वभर छरिएका गैरआवासीय नेपाली विज्ञ चिकित्सहरुको समूहले तयार पारेको सो आँकडा अनुसार २४ देशमा रहेका नेपालीहरु कोरोना भाइरस (कोभिड १९) बाट संक्रमित छन् ।

नेपालमा ४९ जनामा कोरोना संक्रमण देखिएको छ भने १२ जना कोरोना मुक्तको भएको समितिले जनाएको छ ।

यस्तै विदेशमा कोरोना संक्रमण भएका गैरआवासीय नेपाली मध्य ४ सय ३४ जना कोरोना मुक्त भएको सो समितिले जनाएको छ ।

संक्रमित हुनेमा देशहरुमा अमेरिका १ हजार, युके ७ सय, युएई ८१, बहराइन ४९, कुवेत ४२, प्रोतुगल २७, आयरल्याण्ड २२, स्पेन १२, अष्ट्रेलिया ११, स्वीजरल्याण्ड ५, बेल्जियम ६, साउदी अरब ४, जर्मनी ४, मलेशिया ३, क्यानाडा ३, न्युजरल्याण्ड ३, साईप्रस ३, जापान २, हङकंङ २, मल्टा २ र फ्रान्स १ संक्रमित रहेको समितिले जनाएको छ ।

समितिले विदेशस्थित बिभिन्न अस्पतालमा कार्यरत तीन दर्जन नेपाली चिकित्सक, नेपाली कुटनीतिक नियोग, गैरआवासीय नेपाली संघका शाखाहरु तथा स्थानीय संघसँस्थाद्धारा प्राप्त सूचनालाई मुख्य आधारलाई मानेर हरेक आइतवार विदेशमा रहेका नेपालीहरुको कोरोना संक्रमणको तथ्यांक संकलन गर्दै आएको छ ।

यसैबीच कोरोना भाइरसको महमारीबाट प्रभावित भएका नेपालीहरुको सहयोगार्थ लागि गैरआवासीय नेपाली संघले आफ्ना शाखाहरुलाई परिचालन गरेको छ ।

गैरआवासीय नेपाली संघका महासचिव डा हेम राज शर्माका अनुसार कोरोना महामारी पछि ४१ देशमा रहेका संघका शाखाहरु मार्फत ९ सय जना स्वयसेवक परिचालन गरेको छ ।

कोरोना संक्रमण पछि विश्वभर छरिएका करिब ३० हजार गैरआवासीय नेपालीहरुले प्रत्यक्ष र अप्रत्यक्ष रुपमा राहत प्राप्त गरेको संघले जनाएको छ ।

डा शर्माका अनुसार ७० जना भन्दा गैर आवासीय नेपाली चिकित्सक समेतले समेत कोरोना संक्रमित भएका देशमा गैरआवासीय नेपालीहरुलाई सघाई रहेका छन् ।

यसअघि चीनबाट कोरोना भाइरस संक्रमण शुरु भए लगत्तै संघले अध्यक्ष कुमार पन्तको अध्यक्षतामा गठित कोविडा १९ उच्चस्तरीय समिति गठन गरि काम अघि बढाएको थियो ।

यसअघि प्रकाशित :

बर्दियाबाट भारत गएका दुई जना भारतीयमा कोरोना पुष्टि

नासाले ३७ दिन लगाएर बनायो ‘भेन्टिलेटर’, कोरोनाको महामारीबाट बचाउने आश !

पछिल्लो समय कोरोनाको टार्गेटमा परेका तीन देश

यो पनि :

कोरोनाको कहर : क्वारेन्टाइनमा बसेकाहरुमा देखियो औलोको संक्रमण

डोनाल्ड ट्रम्पको ‘ट्वीट’मा ईरानको चेतावनी