नेपालमा थप ३ जनामा कोरोना संक्रमण, संक्रमितको हिस्ट्री यस अघि भेटिएकासँग मिल्यो

काठमाडौं । नेपालमा थप तीन जनामा कोरोना संक्रमण पुष्टि भएको छ ।

बुधवार राष्ट्रिय जनस्वास्थ्य प्रयोगशाला टेकुमा गरिएको परीक्षणका क्रममा बाराका दुई र पर्साका एक जनामा पोजेटिभ आएको हो ।

कोरोना संक्रमित तीनै जना यसअघि भारतको दिल्लीमा तबलिगी जमातको धार्मिक सभामा सहभागी भएर फर्किएका जनाइएको छ ।

गत आइतवार वीरगन्जका दुईजना कोरोना पुष्टि भएको थियो । स्रोतका अनुसार उनीहरु मध्ये वीरगञ्जका एक जना त्यही धार्मिक सभामा सहभागी भएर आएका थिए ।

उनीहरुसँगै नेपालमा कोरोना संक्रमण पुष्टि हुनेको संख्या ५७ जना पुगेको छ । भने हालसम्म १६ जना मानिस उपचारपछि निको भएर घर फर्किएका छन् ।