कोरोनाको ‘हटस्पट’ पर्सामा एकैदिन ५७ जनामा कोरोना पुष्टि, पुरुष संक्रमित बढी

काठमाडौं । नेपालमा मंगलवार मात्र ८३ जनामा कोरोना संक्रमण पुष्टि भएको छ । जसमध्ये पर्सा जिल्लामा धेरै संक्रमित भेटिएका छन् ।

आजै मात्र त्यहाँ ५७ जनामा कोरोना संक्रमण पुष्टि भएको हो ।

राष्ट्रिय जनस्वास्थ्य प्रयोगशाला काठमाडौंमा गरीएको परीक्षणका क्रममा कोरोना संक्रमण देखिएको स्वास्थ्य तथा जनसंख्या मन्त्रालयले जनाएको छ ।

मन्त्रालयका अनुसार पर्सामा भेटिएका कोरोना संक्रमित मध्ये ५१ जना पुरुष र ६ जना महिला रहेका छन् ।

आज थपिएका संक्रमितसहित नेपालमा कोरोना संक्रमितको संख्या २ सय १७ पुगेको छ ।