जनकपुरका पत्रकारमा पनि देखियो कोरोना

काठमाडौं । बुधवार बिहान धनुषाका २ जनामा कोरोना संक्रमण देखिएको छ ।

यस अघि मंगलवार मात्रै जनकपुरका दुई जनामा कोरोना संक्रमण पुष्टि भएको थियो । ति मध्ये एक पत्रकार तथा अर्का पुस्तक व्यापारी रहेको खुलेको छ । यस अघि मंगलवार मात्र वीरगञ्जका २ पत्रकारमा कोरोना संक्रमण देखिएको थियो ।

धनुषाका प्रमुख जिल्ला अधिकारी कोषहरि निरौलाले मिथिला नगरपालिकाका २ महिलामा कोरोना संक्रमण पुष्टि भएको जानकारी दिए ।

प्रदेश नम्बर २ मा कोरोना संक्रमित हटस्पट बनेको छ । प्रदेश २ का पर्सा, बारा, धनुषा, रौतहट, महोत्तरी, सप्तरी र सर्लाहीमा कोरोना संक्रमित फेला परिसकेका छन् ।

मंगलवार मात्रै नेपालमा एकैपटक ८३ जना नयाँ कोरोना संक्रमित थपिएका थिए ।

एकैदिन यति धेरैको संख्यामा कोरोना संक्रमित थपिएपछि लकडाउनमा थप कडाई गरिएको थियो ।

योसँगै नेपालमा कोरोना भाइरस संक्रमितको जम्मा संख्या २१९ पुगेको हो ।