नेपालमा आजै थपिए २६ कोरोना संक्रमित, रुपन्देहीकै १२ जनामा संक्रमण

काठमाडौं । बुधवार नेपालमा थप २४ जनामा कोरोना संक्रमण पुष्टि भएको छ ।

कोरोना संक्रमित हुनेमा रुपन्देही जिल्ला निवासी २२, २२, २५, २८, ३०, ३२, ३२, ३३ र ४१ वर्षीय पुरुष तथा ४, १०, २४ वर्षीया महिलाहरु रहेका छन् ।

त्यस्तै कपिलवस्तु निवासी २२, २९, ३२, ४०, ४०, ४०, ४२, ४२ वर्षका पुरुषहरुमा कोरोना देखिएको स्वास्थ्य तथा जनसंख्या मन्त्रालयले जनाएको छ ।

त्यस्तै पर्साका ३६ र ७४ वर्षीय पुरुषहरु तथा ३६ वर्षीय महिलामा कोरोना संक्रमण देखिएको हो ।

त्यस्तै नवलपरासी निवासी ३६ वर्षीय पुरुष रहेका छन् । यससँगै नेपालमा कोरोना संक्रमितको संख्या २ सय ४३ पुगेको छ । आज दिउसो मात्र बाँकेका ३६ वर्षीय पुरुष र कपिलवस्तुका २२ वर्षीय पुरुष गरी २ जनामा कोरोना संक्रमण पुष्टि भएको थियो ।

उनीहरु चिकित्सकको निगरानीमा रहेको र साथै स्वास्थ्य अवस्था सामान्य रहेको मन्त्रालयले जनाएको छ ।