काठमाडौं । नेपालमा ४ जना सुरक्षाकर्मीमा कोरोना संक्रमण देखिएको छ । संक्रमण हुनेमा भक्तपुरमा कार्यरत एक तथा कपिलबस्तुका तीन जना रहेका छन् ।
भक्तपुरका भेटिएको संक्रमित पूर्व गृहमन्त्री भीम रावलका सुरक्षाकर्मी हुन् । राष्ट्रिय जनस्वास्थ्य प्रयोगशालामा गरिएको परीक्षणको क्रममा २७ वर्षीय प्रहरीका जवानलाई मंगलवार कोरोना पुष्टि भएको थियो ।
त्यस्तै आज कपिलवस्तुमा देखिएका ८ कोरोना संक्रमित मध्ये ३ जना सुरक्षाकर्मी रहेको खुल्न आएको छ । ड्युटीमा रहेका नेपाल प्रहरीका सई, सशस्त्र प्रहरीका सई र राष्ट्रिय अनुन्धान विभागका असईमा कोरोना संक्रमण पुष्टि कपिलवस्तुका प्रमुख अधिकारी दीर्घ नारायण पौडेलले जानकारी दिए । आज त्यहाँ २२, २९, ३२, ४०,४०, ४०, ४२, ४२ वर्षीय पुरुषहरुमा कोरोना संक्रमण पुष्टि भएको छ ।
नेपालमा आज मात्रै २६ जनामा कोरोना संक्रमण देखिएको छ । त्यससँगै नेपालमा कोरोना संक्रमितको संख्या २ सय ४३ जना पुगेको छ । भने ३५ जना कोरोना उपचारपछि निको भएर घर फर्किएका छन् ।
यो खबर पढेर तपाईलाई कस्तो महसुस भयो ?
प्रतिक्रिया