भाइबरको ‘गुड भाइब्स बट’ : जोडिनुहोस् र साथीहरुसँग अझ धेरै रमाइलो गर्नुहोस् !

काठमाडौं । के तपाईं आफ्नो साथीहरुलाई याद गर्दै हुनुहुन्छ ? अब ती साथीहरुसँग तपाईंले अझ बढि रोमाञ्चक ढङ्गमा च्याट गर्न सक्नुहुन्छ । त्यसको लागि राकुटेन भाइबरले ल्याएको छ एक नयाँ र मनोरञ्जनपूर्ण गुड भाइब्स बट, जसलाई तपाईंले आफनै भाइबर एपभित्र पाउन सक्ने भाइवरले जनाएको छ । जसमा रमाइला खेलहरुका साथ फ्रि स्टिकरहरु जित्ने तथा भाइबर आउट क्रेडिट्स सित्तैंमा पाउने मौकासहितको यो बट यस मैसेजिङ्ग एपको मज्जा लिने पूर्णतः नयाँ उपाय हो ।

अहिलेको सामाजिक दूरीको यो युगमा, गुड भाइब्स बटले तपाईंलाई सम्पर्कमा राखि राख्छ– र साथीभाइहरुसँग रमाइलो गराउँछ । बटलाई सञ्चान गरी तपाईंको आफ्नै एभटार बनाएपछि तपाईंले विभिन्न खेलहरु खेल्न सक्नु हुन्छ । साथीहरुले एक–अर्कोको डिजिटल स्ल्याम बुकहरु भर्न, अरुहरुलाई खेलको लागि इनभाइट गर्न, र नयाँ ‘मेमोरिज’ हरु सिर्जना गर्न सक्छन् । बास्केटबल, ह्वाक ए मोल इन द होल, चप चप, स्प्ल्यास र एग पार्टी जस्ता खेलहरुका साथ भाइबरले तपाईंका साथीहरुसँगको दूरीका बावजूद पनि तपाईंलाई नयाँ तरीकाबाट रमाउन साथ दिइरहनेछ ।

बटले ‘गुड भाइब्स’ मात्र नदिइ यस्को साथमा राम्रो पुरस्कारहरु पनि प्रदान गर्दछ । मेहनतका साथ खेलि साप्ताहिक लिडर बोर्डमा आउनु भएमा तपाईंले फ्रिमा पेड एनिमेटेड र म्युजिकल स्टिकर प्याकहरु पुरस्कार स्वरुप प्राप्त गर्न सक्नुहुनेछ । साथ,ै लिडर बोर्डमा रहेका १० खेलाडीहरुले हरेक महिना ५ डलरको भाइबर आउट क्रेडिट्स जित्ने मौका पनि प्राप्त गर्नेछन् ।