फोर्ब्सको अर्वपति सूचीमा विनोद चौधरी पाँच स्थान माथि उक्लन सफल

काठमाडौं, २३ फागुन । फोर्ब्स  म्यागजिनले सन् २०१८ को अर्वपतिहरुको सूची सार्वजनिक गरेको छ ।फोर्ब्सले म्यागजिनको अर्वपतिकाहरुको सूचीमा नेपालका विनोद चौधरी पाँच स्थान माथि उक्लिएका छन् ।उक्त सूचीमा २ हजार २०८ जना अटाएका छन् भने नेपालबाट पछिल्लो हेकी वर्षमा चौधरी अर्वपतिहरुको सूचीमा पर्दै आएका छन् ।यो पटकको सूचीमा चौधरी १ हजार ५६१ औं स्थानमा छ । उनको सम्पत्ति १.५ बिलियन डलर अर्थात १ अर्ब ५० करोड रहेको फोब्र्सले जनाएको छ । गत वर्ष चौधरी १ हजार ५६७ औं स्थानमा थिए र उनको सम्पत्ति १.३ बिलियन डलर अर्थात १ अर्ब ३० करोड थियो ।गत वर्षको तुलनामा यो वर्ष चौधरीको सम्पत्ति २० करोडले वृद्धि भएको छ ।