घर फर्कँदै गरेका व्यवसायीमाथि गोली प्रहार

गौर, २३ फागुन– रौतहटको राजपुर–३ मा एक स्थानीय व्यवसायीमाथि गोली प्रहार भएको छ । मासु व्यवसाय गर्ने राजपुर ३ बलुवाटोलका शेख शालिममाथि गोली प्रहार भएको हो । उनी साँझ घर फर्कँदै थिए ।बुधबार साँझ मोटरसाइकलमा आएका अपरिचित व्यक्तिले उनीमाथि गोली हानेर भागेको बताइएको छ ।उनको पेटमा गोली लागेको जिल्ला प्रहरी कार्यालय रौतहटले जनाएको छ ।उनलाई जिल्ला अस्पतालमा उपचार हुन नसकेपछि थप उपचारका लागि भारतको मोतिहारी पठाइएको जनाइएको छ ।प्रहरीले गोली हान्ने फरार रहेको भन्दै खोजी कार्यजारी रहेको जनाएको छ ।प्रहरीले गोली हान्नेको खोजीकार्य भइरहेको जनाएको छ । तराईका जिल्लामा गोली प्रहारका घटना पछिल्लो समय बढेका छन् ।