साताको पहिलो दिन आज कति छ सुनको भाउ ?

काठमाडौं – साताको पहिलो दिन आज (आईतबार) नेपाली बजारमा सुनको मूल्य स्थिर रहेको छ । शुक्रबार सुनको मूल्य प्रतितोला ९६ हजार ५ सयमा कारोबार भएकोमा आज पनि सोहि मूल्य कायम गरिएको नेपाल सुनचाँदी व्यवसायी महासंघले जनाएको छ ।

महासंघका अनुसार आज छापावाल सुनको मूल्य प्रतितोला ९६ हजार ५ सय रुपैयाँ प्रतितोला रहेको छ भने तेजावी सुनको मूल्य ९६ हजार रुपैयाँ प्रतितोला रहेको छ ।

त्यस्तै, आज चाँदीको मूल्य पनि स्थिर छ । शुक्रबार चाँदीको मूल्य प्रतितोला १ हजार ३१० रुपैयाँ प्रतितोलामा कारोबार भएकोमा आज पनि सोहि मूल्य कायम गरिएको महासंघले जनाएको छ ।