पोखराको लेकसाइडमा एक विदेशी मृत भेटिए

पोखरा, १ चैत – पोखरा लेखनाथ महानगरपालिका वडा नं ६ लेकसाइडस्थित एक होटलको कोठामा बस्तै आएका एक विदेशी आज मृतावस्थामा फेला परेका छन् ।लेकसाइडको होटल ह्वाइट पियर्लको कोठा नं ७०१ मा २८ वर्षीय युक्रेनी आनपोन कुज्निफोब बिहान मृतावस्थामा भेटिएको प्रदेश नं ४ प्रहरी कार्यालयका प्रहरी उपरीक्षक वीरेन्द्रकुमार बस्यालले जानकारी दिनुभयो ।उहाँका अनुसार फागुन २८ गतेदेखि कोठामा एक्लै बस्तै आएका उनलाई उपचारका लागि पश्चिमाञ्चल क्षेत्रीय अस्पताल गण्डकीमा उपचारका लागि लगिएकामा चिकित्सकले आठ घण्टा अगाडि नै मृत्यु भएको घोषणा गरेका थिए ।