फुलहमलाई पराजित गर्दै युनाईटेड शीर्ष स्थानमा

काठमाडौं । जितसँगै म्यानचेस्टर युनाईटेड इंग्लिस प्रिमियर लिग फुटबलको शीर्ष स्थानमा उक्लिएको छ । बुधवार राति भएको खेलमा फुलहमलाई २-१ गोल अन्तरले पराजित गर्दै युनाईटेड शीर्ष स्थानमा उक्लिएको हो ।

एक गोलले पछि परेको युनाईटेडले पुनरागमन जित हात पारेको हो । खेलको पाँचौं मिनेटमा लुकम्यानले गोल गर्दै फुलहमलाई अग्रता दिलाएका थिए । तर, २१ औं मिनेटमा एडिन्सन काभानीले गोल गर्दै युनाईटेडलाई १-१ गोलको बराबरीमा ल्याए ।

त्यसपछि खेलको ६५ औं मिनेटमा पाउल पोग्बाले गोल गर्दै युनाईटेडलाई २-१ को जित दिलाए ।

जितसँगै युनाईटेडले १९ खेलमा ४० अंक जोडेको छ । युनाईटेड दोस्रो स्थानको म्यानचेस्टर सिटी भन्दा २ अंकले अघि रहेको छ ।

फुलहम १२ अंक जोडेर १८ औं स्थानमा रहेको छ ।

• एजेन्सी