प्रिमियर लिग फुटबल : एस्टन भिल्लामाथि सिटीको सहज जित

काठमाडौं । इंग्लिस प्रिमियर लिग फुटबलमा म्यानचेस्टर सिटीले सहज जित हात पारेको छ । बुधवार राति म्यानचेस्टर सिटीले घरेलु मैदानमा एस्टन भिल्लालाई २-० ले पराजित गर्दै जित हात पारेको हो ।

सिटीलाई जित दिलाउन बेर्नार्डो सिल्भा र इल्के गुण्डोगानले समान एक एक गोल गरे । पहिलो हाफ गोलरहित बराबरीमा सकिएको खेलको दोस्रो हाफमा सिटीले दुबै गोल गरेको थियो ।

खेलको ७९ औं मिनेटमा सिल्भाले गोल गर्दै टोलीलाई अग्रता दिलाएका थिए । त्यसपछि खेलको ९० औं मिनेटमा गुण्डोगानले पेनाल्टीमा गोल गर्दै सिटीलाई २-० को जित दिलाए ।

जितसँगै सिटी लिगको दोस्रो स्थानमा उक्लिएको छ । सिटीले १८ खेलमा ३८ अंक जोडेको छ ।

एस्टन २६ अंक जोडेर १६ औं स्थानमा रहेको छ ।

• एजेन्सी