काठमाडौं । एक महिलाले म्याकडोनल्डको कार पार्किङमा बच्चा जन्माएकी छिन् । बच्चालाई जन्म दिएपछि उनले क्वार्टर पाउन्डर नामको ह्यामबर्गर अर्डर गरिन् ।
महिलाका श्रीमानले आफ्नी श्रीमतीले भर्खरै बच्चालाई जन्म दिएको र श्रीमतीले अर्डर गरेको बर्गर लिन आएको बताएपछि म्याकडोनल्डका कर्मचारी चकित परेका थिए ।
म्याकडोनल्डको अष्ट्रेलियाको मेलबर्नस्थित क्रोएडोन शाखाले उनलाई जतिसक्दो छिटो सेवा प्रदान गरेको रिपोर्टले बताएको छ ।
आमाले एम्बुलेन्स कुरिराख्दा बर्गर खाएको बताइन्छ ।
म्याकडोनल्डका एक कर्मचारीले भने, ‘दिउँसो खाजा खानेबेला उनको अर्डर आएको थियो । उनको श्रीमानले आफ्नी श्रीमतीले भर्खरै बच्चा जन्माएको बताएका थिए ।’
‘हामीले उनलाई छिटोभन्दा छिटो सेवा दियौं । हामीले केही पेय पदार्थ र डिनर बक्स पनि उपलब्ध गरायौं ।’
- एजेन्सी
यो खबर पढेर तपाईलाई कस्तो महसुस भयो ?
प्रतिक्रिया