लिभरपुलको पुनरागमन जित

काठमाडौं । इंग्लिस प्रिमियर लिग फुटबलमा लिभरपुलले पुनरागमन गर्दै जित हात पारेको छ । शनिवार राति भएको खेलमा लिभरपुलले एस्टन भिल्लालाई २-१ गोल अन्तरले पराजित गरेको हो ।

लिभरपुलको मैदानमा खेलको ४३ औं मिनेटमा ओली वाट्किन्सले गोल गर्दै एस्टनलाई अग्रता दिलाएका थिए । तर, खेलको ५७ औं मिनेटमा मोहमद सलाहले गोल गर्दै लिभरपुललाई १-१ गोलको बराबरीमा फर्काए ।

त्यसपछि खेलको इन्जुरी समयमा ट्रेण्ड एलेक्स्जेन्डर आर्नोल्डले गोल गर्दै लिभरपुललाई २-१ गोल अन्तरको जित दिलाए ।

जितसँगै लिभरपुलले ३१ खेलमा ५२ अंक जोडेको छ । लिभरपुल पाँचौं स्थानमा उक्लिएको छ । एस्टन ४४ अंक जोडेर दशौँ स्थानमा रहेको छ ।

• एजेन्सी