एसी मिलानको सहज जितमा इब्राहिमोबीचलाई रातो कार्ड

काठमाडौं । इटालियन सिरी ए फुटबलमा एसी मिलानले सहज जित हात पारेको छ । शनिवार राति भएको खेलमा मिलानले पर्मालाई ३-१ गोल अन्तरले पराजित गरेको हो ।

खेलको आठौं मिनेटमा एन्टी रेबिकले गोल गर्दै मिलानलाई अग्रता दिलाएका थिए । खेलको ४४ औं मिनेटमा फ्रान्क केस्सीले गोल गर्दै मिलानलाई २-० को अग्रता दिलाए ।

६० औं मिनेटमा ज्लाटन इब्राहिमोबीचले रातो कार्ड पाएपछि मिलान १० खेलाडीमा समेटिएको थियो ।

खेलको ६६ औं मिनेटमा रोकार्डोले गोल गर्दै पर्मालाई २-१ को स्थितिमा ल्याए । त्यसपछि खेलको राफेल लिओले गोल गर्दै मिलानलाई ३-१ को जित दिलाए ।

जितसँगै मिलानले ३० खेलमा ६३ अंक जोडेको छ । मिलान दोस्रो स्थानमा रहेको छ ।

पर्मा २० अंक जोडेर १९ औं स्थानमा रहेको छ ।

• एजेन्सी