१० केजी गाँजासहित दुई जना पक्राउ

काठमाडौं । रौतहटबाट १० केजी अवैध लागूऔषध गाँजासहित दुई जना पक्राउ परेका छन् ।

कटहरिया नगरपालिका २ बस्ने २३ वर्षीय शेख सैदुला हाक र सोही ठाउँ बस्ने १८ वर्षीय किशोरलाई करिब १० केजी अवैध लागूऔषध गाँजासहित हिजो मंगलवार राति प्रहरीले पक्राउ गरेको हो ।

अस्थायी प्रहरी पोष्ट छेदीचोकबाट खटिएको प्रहरीले उनीहरुलाई उक्त लागूऔषध सहित फेला पारी पक्राउ गरेको हो ।

यस सम्बन्धमा थप अनुसन्धान गरिरहेको प्रहरीले जनाएको छ ।