खनाल-नेपाल पक्षीय पदाधिकारीको आज शपथ ग्रहण हुँदै

काठमाडौं । नेकपा एमालेका वरिष्ठ नेता झलना झलनाथ र माधवकुमार नेपाल पक्षको काठमाडौं र ललितपुर जिल्ला कमिटीका पदाधिकारीहरूको आज शपथ ग्रहण हुँदैछ ।

बल्खुस्थित सिद्धि गणेश पार्टी भेन्युमा काठमाडौं जिल्ला कमिटी पदाधिकारीको सपथ ग्रहण कार्यक्रम रहेको बागमती प्रदेश इन्चार्ज अष्टलक्ष्मी शाक्यले जानकारी दिइन् ।

उनका अनुसार शुक्रवार विहान ११ बजेदेखि शपथ कार्यक्रम शुरु हुनेछ । यस्तै ललितपुर जिल्ला कमिटीका पदाधिकारीको शपथ ग्रहण पनि आजै राखिएको उनले बताइन् ।

शाक्यका अनुसार ललितपुरको महालक्ष्मीमा दिउँसो शपथ ग्रहण कार्यक्रमसँग बैठक पनि हुने छ । दुबै जिल्ला कमिटीका पदाधिकारीलाई प्रदेश इन्चार्ज शाक्यले शपथ गराउने छिन् । एमालेमा यतिबेला समानान्तर अभ्यास अगाडि बढेको छ ।