काठमाडौं । चेन्नई सुपर किङ्सले गए राति सम्पन्न खेलमा पंजाब किङ्सलाई ६ विकेटले पराजित गरेको छ। मुम्बईको वाँखेडे मैदानमा सम्पन्न ८ औं खेलमा चेन्नईले पंजाबमाथि सजिलो जीत निकाल्न सफल भएको हो।
पहिले ब्याटिङको निम्तो पाएको पंजाबले शर्मनाक ब्याटिङद्वारा आफ्नो पारिको सुरुवात गर्यो । चेन्नाईका ओपनिङ बलर दीपक चहरले उत्कृष्ट प्रदर्शन गर्दा पंजाबको टोलीले निर्धारित २० ओभरमा ८ विकेट गुमाउँदै केवल १०६ रन बनाउन सफल भयो। चहरले व्यक्तिगत ४ ओभरमा १ मेडेन् फ्याक्दै १३ रन खर्चेर ४ विकेट लिएका थिए ।
पंजाबको लाज बचाउन शाहरुख खानको अथक प्रयास रह्यो। उनले पंजाबलाई ३६–६ को योगफलबाट १०६ रनको स्कोर सम्म पुर्याए । १०७ रनको लक्ष्य पछ्याउँदै आफ्नो पहिलो जीत खोज्न तम्तयार चेन्नई सुपर किङ्सकोलागि मोयीन अलीले सर्वाधिक ४६ रन र फाफ दु प्लेसिले अभिजित ३६ रनको पारी खेलेका थिए।
यसै गरी चन्नईले अंक तालिकामा आफ्नो खाता खोलेको छ। आज राति आईपीएलमा मुंबई इण्डियन्स विरुद्ध सन्राइजर्स हैदराबादको खेल साँझ ७ः ४५मा चेन्नईको चेपाकमा खेलिँदै छ।
यो खबर पढेर तपाईलाई कस्तो महसुस भयो ?
प्रतिक्रिया