काठमाडौं– संयुक्तराज्य अमेरिकाको नेब्रास्का राज्यमा हिजो शनिवार एउटा मलमा चलाइएको गोली लागेर एक जनाको मृत्यु भएको छ । ओमाहा शहरको वेस्टरोड्स मलमा भएको सो गोली काण्डमा अर्का एक व्यक्ति घाइते भएका छन् ।
गोली चलाउने व्यक्तिको परिचय भने प्रहरीले गोप्य राखेको अन्तर्राष्ट्रिय सञ्चारमाध्यमले जनाएका छन् ।
घाइते व्यक्तिको स्वास्थ्य अवस्था निकै नाजूक रहेको र अस्पतालमा उपचार भइरहेको समाचारमा जनाइएको छ ।
गत बिहीवार राति इन्डियानापोलिसको फेडएक्स कार्यालयमा भएको गोलीकाण्डमा आठ जनाको मृत्यु भएको थियो ।
अधिकारीहरुले उक्त गोलीकाण्डका मुख्य शंकास्पद व्यक्तिले आत्महत्या गरेका जनाएको छ ।
यो खबर पढेर तपाईलाई कस्तो महसुस भयो ?
प्रतिक्रिया