कोरोना जोखिम बढेपछि सीसीएमसीले बोलायो बैठक, महत्वपूर्ण निर्णय हुनसक्ने

काठमाडौं । शनिवार (आज) कोभिड(१९ संकट व्यवस्थापन केन्द्र (सीसीएमसी)को बैठक बस्ने भएको छ ।

नेपालमा कोरोना संक्रमणको जोखिम बढ्दै गएपछि उपप्रधानमन्त्री ईश्वर पोखरेलको संयोजकत्वमा रहेको (सीसीएमसी) को बैठक बस्न लागेको हो ।

साँझ ५ बजे प्रधानमन्त्री निवास बालुवाटारमा बस्न लागेको बैठकमा सीसीएमसीका तर्फबाट प्रधानमन्त्री केपी शर्मा ओलीलाई कोरोना संक्रमणको जोखिम र यसको न्यूनिकरणका बारेमा ब्रिफिङ गर्ने कार्यक्रम रहेको प्रधानमन्त्रीका प्रेस विज्ञ रामशरण बजगाँइले लोपकथलाई जानकारी दिए ।

त्यस्तै आजको बैठकमा कोरोना रोकथामका महत्वपूर्ण निर्णय हुनसक्ने बुझिएको छ ।