काठमाडौं । नेपालमा पछिल्ला दिनहरुमा कोरोना संक्रमितको संक्रमण बढिरहेको छ ।
पछिल्लो २४ घण्टामा नेपालमा थप ३ हजार १ सय २२ जनामा कोरोना संक्रमण पुष्टि भएको छ ।
देशका विभिन्न प्रयोशालामा ९ हजार २ सय ९२ पीसीआर परीक्षणमा ३ हजार ३२ र पछिल्लो २४ घण्टामा देशभर ७ सय ८६ जनाको एन्टिजेन परीक्षण गर्दा ९० जनामा एन्टिजेन पोजेटिभ आएको हो स्वास्थ्य तथा जनसंख्या मन्त्रालयले जनाएको छ ।
त्यस्तै आज काठमाडौं उपत्यकामा मात्रै १४ सय ९८ जनामा कोरोना संक्रमण पुष्टि भएको छ । जसमध्ये काठमाडौंमा ११३२, ललितपुरमा २७० र भक्तपुरमा ९६ जनामा कोरोना संक्रमण पुष्टि भएको हो । आज देशभर ४५० जना कोरोना संक्रमित संक्रमणमुक्त भए डिस्चार्ज भएका छन् ।
हालसम्म ९२ दशमलव ५ प्रतिशत संक्रमित संक्रमणमुक्त भएर घर फर्किएका छन्।
पछिल्लो २४ घण्टामा नेपालमा कोरोना भाइरसकाे संक्रमण बाट २८ जनाको ज्यान गएको छ । याेसँगै नेपालमा कोरोना संक्रमणबाट ज्यान गुमाउनेको संख्या तीन हजार एक सय ६४ पुगेको स्वास्थ्य तथा जनसंख्या मन्त्रालयले जनाएको छ ।
यो खबर पढेर तपाईलाई कस्तो महसुस भयो ?
प्रतिक्रिया