छिटो भन्दा छिटो खोपको ब्यबस्था गर्न देउवाको आग्रह

काठमाडौँ-  नेपाली कांग्रेसका सभापति शेरबहादुर देउवाले कोरोना संक्रमण रोक्न सरकारसँग माग गरेका छन् ।

सोमवार एक विज्ञप्ति जारी गर्दै सभापति देउवाले संक्रमितको उपचारका लागि आवश्यक स्वास्थ्य संरचना, स्वास्थ्य सामाग्रीहरूको उपलब्धता र स्वास्थ्यकर्मीहरूको मनोवल उच्च राख्न आवश्यक व्यवस्था मिलाउन सरकारसँग माग गरेका हुन् ।

सभापति देउवाले खोप नै सबैभन्दा भरपर्दो उपाय भएको भन्दै समयमा खोपको व्यवस्था हुन नसकेको भन्दै छिटो भन्दा छिटो खोपको व्यवस्था गर्न ठोस योजना सहित कुटनीतिक सक्रियता बढाउन माग गरेका छन्।