काठमाडौं। गत शनिवार त्रिवि क्रिकेट मैदानमा खेलिएको फाइनल खेलमा नेदरल्याण्ड्समाथि १४२ रनको कीर्तिमानी जित निकाल्दै त्रिकोणात्मक टी-ट्वेन्टी शृङ्खलाको उपाधि आयोजक राष्ट्र नेपालले जितेको थियो।
विजेता टोली नेपालको सम्पूर्ण २३ खेलाडीलाई नेपाल सरकारले जनही ४ लाख रुपैयाँ नगद पुरस्कार प्रदान गर्ने निर्णय बुधवार सिंहदरबारमा बसेको मन्त्री परिषदको बैठकले सार्वजनिक गरेको छ।
त्यस्तै नेपाली टोलीका ३ विधाका प्रशिक्षक दललाई पनि जनही २ लाख रुपैयाँ पुरस्कार स्वरुप प्रदान गरिने जानकारी नेपाल सरकारका प्रवक्ता पार्वत गुरुङले दिएका छन्।
नेपालले गत साता नेदरल्याण्ड्स र मलेसियालाई पराजित गर्दै बजाज पल्सर ट्राई नेसन्स टी-ट्वेन्टी सिरिजको उपाधि जितेको थियो। घरेलु मैदानमा ११ वर्ष पछि नेपालले उपाधि जित्न सफल भएको थियो।
यो खबर पढेर तपाईलाई कस्तो महसुस भयो ?
प्रतिक्रिया