दुर्घटनामा मोटरसाइकल चालकको मृत्यु

विराटनगर, २९ चैत । सडक दुर्घटनामा परी एक जनाको मृत्यु भएको छ ।मोरङको पथरी शनिश्चरे–१० मा बुधबार राति सडक दुर्घटना हुँदा मोटरसाइकल चालक पथरी–शनिश्चरे हसन्दहका ४८ वर्षीय हरिबहादुर केसीको उपचारका क्रममा आज मृत्यु भएको प्रहरी प्रदेश कार्यालय, विराटनगरले जनाएको छ ।डाँस खोला पुलमा रोकिराखेको को २ त २४५९ नम्बरको ट्याक्टरको पछाडिको भागमा को १३ प ७७२९ नम्बरको मोटरसाइकलले ठक्कर दिएपछि सो दुर्घटना भएको थियो ।मोटरसाइकलमा सवार २५ वर्षीय हेमराज खड्काको टाउकोमा चोट लागेको र उनको उपचार भइरहेको प्रहरीले जनाएको छ ।