आचार्य श्रीनिवासमाथि गोली हान्न संलग्न भएको आशंकामा ४ पक्राउ

विराटनगर, २९ चैत । हिन्दू धर्मगुरु आचार्य श्रीनिवासमाथि गोली प्रहार भएको घटनामा संलग्नताको आशंकामा प्रहरीले चार जनालाई पक्राउ गरेको छ ।पक्राउ परेकाहरुको नाम भने प्रहरीले सार्वजनिक गरेको छैन । उनीहरुमध्ये दुई जना मोरङका र एक जना सुनसरी र एक जना झापाका रहेका छन् ।प्रहरीले मोरङका दुई जनालाई घटना भएकै दिन आइतबार र अन्य दुई जनालाई बुधबार साँझ पक्राउ गरेको हो ।मोरङका प्रहरी प्रमुख एसपी अरुणकुमार बिसीले घटनामा संलग्न रहेको आशंकामा चार जनालाई नियन्त्रणमा लिएर अनुसन्धान भइरहेको जानकारी दिएका छन् ।घटनाको सुक्ष्म अनुसन्धान भइरहेको र सत्यतथ्य पत्ता लागेपछि सार्वजनिक गर्ने उनले बताए ।विराटनगर–१४ जतुवास्थित रामजानकी मन्दिरमा बास बसेका आचार्यमाथि आइतबार बिहान २ बजेतिर शौचालय जाने क्रममा गोली प्रहार भएको थियो ।