काठमाडौं । एमाले र माओवादीबीच एकता भएको भोलिपल्टै एकीकृत पार्टीमा गाइजात्रा देखिएको छ । एकै नीति, सिद्धान्त र एजेण्डा बोकेर दुई पार्टीबीच एकता भएको भएपनि बोर्ड फरक फरक टाँसिएको छ ।
एमाले र माओवादी केन्द्रबीच बिहिबार एकता भएर नेपाल कम्युनिष्ट पार्टी गठन भएको थियो । त्यसको भोलिपल्ट दुई पार्टीको तत्कालिन कार्यालयमा एकीकृत पार्टीको बोर्ड राखिएको भएपनि चिन्ह फरक फरक राखिएको छ ।
एकताअघिको माओवादी केन्द्रको पार्टी कार्यालयमा हसिया हथौडा अंकित चिन्ह भएको बार्ड टाँसिएको छ । जहाँ पार्टीको आधिकारिक चुनाव चिन्ह सूर्य राखिएको छैन । यस्तै तत्कालिन एमालेको पार्टी कार्यालयमा राखिएको बोर्डमा सूर्य चुनाव चिन्ह राखिएको छ तर हसिया हथौडा राखिएको छ । यद्यपि दुबै पार्टीको बोर्डमा नाम भने नेपाल कम्युनिष्ट पार्टी नै राखिएको छ ।
नेताहरुका अनुसार धुम्बाराही नेकपाको केन्द्रीय कार्यालय हुनेछ भने पेरिसडाँडा जनबर्गिय संगठनलगायतको कार्यालय हुनेछ ।
दुई पार्टी एकता भएपनि बोर्डमा एक रुपमा नहुनुलाई अर्थपूर्ण रुपमा हेरिएको छ । कतिले एकता भएपनि पार्टीबीच अझैं विवाद कायमै रहेको अर्थका रुपमा बुझेका छन् ।
यसअघि गत बैशाख ९ गते राष्ट्रिय सभागृहमा दुई पार्टीबीच बोर्डका बिषयमा तनाव नै भएको थियो ।
यो खबर पढेर तपाईलाई कस्तो महसुस भयो ?
प्रतिक्रिया