धरान । नेपाल तरुण दल सुनसरीका सभापति सिजन गुरुङलाई निशर्त स–सम्मान अविलम्व रिहा गर्न नेपाली कांग्रेस सुनसरीले माग गरेको छ ।
नेपाली कांग्रेस सुनसरीका सभापति एवं प्रदेश नं. १ का प्रमुख प्रतिपक्षी दलका नेता राजिव कोइरालाले प्रेस विज्ञप्ति जारी गर्दै गुरुङलाई रिहा गर्न माग गरेको सुनसरी कांग्रेस सचिव एवं प्रवक्ता सुजेन्द्र गोलेले बताए ।
विज्ञप्तिमा तरुण नेता गुरुङलाई झुटो मुद्दा लगाएर सुनियोजित र षड्यन्त्र पूर्वक पक्राउ गरिएको जनाउंदै अविलम्व निशर्त रिहा नगरे चरणवद्ध आन्दोलनमा उत्रने समेत चेतावनी दिइएको छ । हिजो मात्र जिल्ला प्रशासन कार्यालय सुनसरीमा शान्ति सुरक्षाका लागि निवेदन दर्ता गराएका गुरुङलाई रातारात पक्राउ गरिनु प्रहरी प्रशासनको पूर्वाग्रह प्रष्ट देखिएको भन्दै कांग्रेसका कार्यकर्ताहरुलाई झुटा मुद्दा लगाएर फसाउने कार्य बन्द गर्न समेत विज्ञप्तिमा माग गरिएको छ ।
यो खबर पढेर तपाईलाई कस्तो महसुस भयो ?
प्रतिक्रिया