पृथ्वीको नजिकबाट पार हुँदैछ बुर्ज खलिफाभन्दा दोब्बर ठूलो एस्टेरोयड, नासाले भन्यो खतरनाक

काठमाडौं । लामो समयदेखि एस्टेरोयड(क्षुद्रग्रह)हरुलाई पृथ्वीका लागि खतराका रूपमा व्याख्या गरिँदै आइएको छ । यदि एस्टेरोयड पृथ्वीसँग ठोक्किए ठूलो प्रकोप हुनसक्ने वैज्ञानिकहरुले बताउने गरेका छन् ।

भनिन्छ, पृथ्वीको परिक्रमा गर्ने ठूलो क्षुद्रग्रहले एक पटक मात्र पृथ्वीलाई ठोकेको थियो, त्यसपछि डायनासोरहरू संसारबाट लोप भएका थिए । यसपछि धेरै पटक पृथ्वीको छेउबाट गुज्रिरहेको क्षुद्रग्रहको टक्करको चर्चा भयो तर त्यस्तो कहिल्यै त्यस्तो भएको छैन ।

आज अर्थात् जनवरी १८ मा बुर्ज खलिफाभन्दा दोब्बर आकारको क्षुद्रग्रह पृथ्वीको नजिकबाट गुज्रनेछ । यो ७४८२ (१९९४ पीसी१) नामको सबैभन्दा ठूलो क्षुद्रग्रह हो भनिएको छ । यस क्षुद्रग्रहको लम्बाइ करिब १ किलोमिटर अर्थात् ३२८० फिट रहेको छ । यो पृथ्वीबाट १९.३ लाख किलोमिटर टाढा जानेछ । तसर्थ, पृथ्वीमा कम खतरा छ।

यदि यसको बाटोमा अलिकति परिवर्तन भयो भने यो पृथ्वीका लागि खतरनाक हुन सक्छ र विनाश निम्त्याउन सक्छ अमेरिकी अन्तरिक्ष एजेन्सी नासाले पनि यसलाई खतरनाक घोषणा गरेको छ ।

यदि यति ठूलो क्षुद्रग्रह पृथ्वीसँग ठोक्किएमा ठूलो विनाश निम्त्याउन सक्ने नासाले जनाएको छ । त्यसैले यस्तो क्षुद्रग्रहलाई नासाले सम्भावित खतराको सूचीमा राखेको छ ।

यद्यपि नासाले ७४८२ (१९९४ पीसी१) पृथ्वीबाट १९.३ लाख किलोमिटरको दुरीबाट सुरक्षित रूपमा पार गर्ने बताएको छ । यो पहिलो पटक सन् १९९४ मा पत्ता लागेको थियो ।