जोरपाटीमा डिसहोम फाइबरनेटको सहवितरण सोरुमको समुद्घाटन

काठमाडौं । नेपालभर इन्टरनेटरनेट सेवा विस्तार गरिरहेको डिसहोम फाइबरनेटले काठमाडौंको जोरपाटीमा पनि सहवितरण सोरुमको शुभारम्भ गरेको छ । माघ १९ देखि डिसहोम फाइबरनेट बिक्री तथा बिक्रीपछिको सेवा प्रदान गर्न सुरु गरिएको सो सोरुमको सञ्चालन दीपा इम्पेक्सले गर्नेछ ।

सोरुम समुद्घाटन, डिशहोमका तर्फबाट नेसनल सेल्स म्यानेजर मनोज शर्मा, एरियासेल्स म्यानेजर उज्वल न्यौपाने र सेल्स अफिसर मदन सापकोटाको उपस्थितिमा सम्पन्न भएको थियो ।

विगत लामो समयदेखि डिसमिडिया नेटवर्कसँग सहकार्य गरी डिसहोमको डीटीएच सेवा ग्राहकहरुमाझ पुर्याउँदै आएको दीपा इम्पेक्सले अब डिसहोम फाबइरनेट बिक्री र बिक्रीपछिको सेवा नयाँ सोरुममार्फत दिनेछ।

१५ सयभन्दा धेरै ग्राहकलाई डिसहोम फाइबरनेटको सेवा उपलब्ध गराइसकेको दीपा इम्पेक्सले अब अझ बढी ग्राहकहरुको माझ पुग्नको लागि पनि यस नयाँ सोरुमले मदत गर्ने दीपा इम्पेक्सका सञ्चालक सुवास तिमिल्सिनाले जानकारी दिए ।