मुम्बई । बलिउडमा यतिबेला बिहेको बहार चलिरहेको छ । दीपिका पादुकोण र रणवीर सिंहको पोस्ट वेडिङ फङ्सन अझै पनि सकिएको छैन । अर्कातिर प्रिंयका चोपडा र निक जोनसको बिहेको पनि चर्चा छ ।
केही दिनअघि मात्र कपिल शर्माले बिहेको कार्ड सार्वजनिक गरेका थिए । अहिले अर्की नायिका राखी सावन्तले पनि इन्स्टाग्राममा आफ्नो बिहेको कार्ड शेयर गरेकी छिन् ।
राखीले इन्स्टामा इन्भाइटेसन कार्ड शेयर गर्दै दीपक कलालसँग बिहे गर्न लागेको पनि खुलाएकी छिन् । साथै दीपक कलालले पनि आफ्नो इन्स्टामा बिहेको कार्ड शेयर गरेका छन् ।
दीपक कलाल सोसल मिडियामा चर्चित छन् । आजभोलि दीपक भारतीय रियालिटी शो इन्डिया गट ट्यालेन्टमा पनि देखिएका छन् ।
यो खबर पढेर तपाईलाई कस्तो महसुस भयो ?
प्रतिक्रिया