काठमाडौँ – साना किसानहरुको ऋण मिनाहा हुने भएको छ ।
कृषि विकास बैंकबाट ऋण लिएका साना किसानहरुको ऋण मिनाहा गर्ने सरकारले जनाएको छ ।
सोमबारको बसेको मन्त्रिपरिषद् बैठकले यस्तो निर्णय गरेको हो ।
सञ्चारमन्त्रीगोकुल बास्कोटाले साना किसानहरुको ऋण सरकारले तिरिदिने जानकारी दिए ।
कृषि विकास बैंकमा यस्तो ऋण करीब २९ करोड रुपैयाँ र ब्याज एक अर्बभन्दा बढी पुगिसकेको बताइएको छ ।
यसैगरी मन्त्रिपरिषद् बैठकले कपडा उद्योगीहरुलाई बैंकको ब्याजमा अनुदान दिने भन्सार छुट दिने निर्णय गरेको छ ।
उद्योगीहरुको माग सम्वोधनका लागि गठित समितिले दिएको सुझावका आधारमा सरकारले आन्दोलनरत कपडा उद्योगीहरुको माग सम्बोधन गरेको हो। अब कपडा उद्योगीहरुलाई बैंकको ब्याजमा अनुदान दिने, भन्सार छुट दिने बताइएको छ ।
यो खबर पढेर तपाईलाई कस्तो महसुस भयो ?
प्रतिक्रिया