नुवाकोटको दुप्चेश्वर गाउँपालिका वडा नम्बर १ को घ्याङफेदी भन्ने ठाउँमा भएको मिनिट्रक दुर्घटनामा मृत्यु हुनेको संख्या १६ पुगेको छ ।
मिनिट्रकमा सवार अन्य २० जनाभन्दा धेरै घाईते भएका छन् ।
नुवाकोटको शिखरबेसीबाट सिसिपू भन्ने ठाउँमा जाँदै गरेको मिनिट्रक दुर्घटनामा परेको हो ।
उकालो सडक र ओभरलोड भएका कारण मिनिट्रक दुर्घटनामा परेको प्रत्यक्षदर्शीलाई उदृत गर्दै नुवाकोटबाट नवराज सुवेदीले लोकपथलाई जानकारी दिए ।
रात परेका कारण उद्धारमा कठिनाई भइरहेको छ ।
घाईतेलाई उपचारका लागि एम्बुलेन्सबाट नजिकको अस्पताल लगिदैछ ।
उद्धारका लागि घटनास्थलमा ठूलो संख्यामा प्रहरी खटिरहेको प्रहरी उपरीक्षक कैलाश भट्टराईले बताए ।
नुवाकोटको दुप्चेश्वर गाउँपालिकाका उपप्रमुखका अनुसार शिखरबेसीमा चेलीको बरखीको काम सकेर वडा नम्बर ७ को सिसिपू जाँदै गर्दा सो मिनिट्रक घ्याङफेदीमा दुर्घटना भएको हो ।
दुर्गम ठाउँमा दुर्घटना भएकोले सम्पर्क गर्न कठिनाई भईरहेको छ ।
घटनाको सम्पूर्ण विवरण आउन बाँकी छ ।
यो खबर पढेर तपाईलाई कस्तो महसुस भयो ?
प्रतिक्रिया