काठमाडौं । परराष्ट्रमन्त्री प्रदीपकुमार ज्ञवाली आज भारत जाँदैछन् ।
रायसिना सम्वादमा सहभागी हुन बिहीवार मन्त्री ज्ञावली भारतको नयाँ दिल्ली जान लागेका हुन् ।
अब्जर्भर रिसर्च फाउण्डेशन र भारतीय विदेश मन्त्रालयको सहकार्यमा रासयिना संवादको आयोजना हुँदै आएको छ । यो संवादको चौथो संस्करण हो ।
चौथो संस्करणको यो कार्यक्रमको विषय ‘अ वर्ल्ड रिअर्डरः न्यू जिओमेट्रिक्स, फ्ल्युड पार्टनरसिप, अनसर्टेन आउटकम्स’ तय भएको छ ।
मन्त्री ज्ञावलीले चौथो संस्करणको यो कार्यक्रम उक्त विषय ‘अ वर्ल्ड रिअर्डरः न्यू जिओमेट्रिक्स, फ्ल्युड पार्टनरसिप, अनसर्टेन आउटकम्स’मा आफ्नो धारणा राख्ने परराष्ट्र मन्त्रालयले जनाएको छ ।
भारतमा रहँदा मन्त्री ज्ञवालीले भारत सरकारका उच्च अधिकारीसँग छलफल गर्ने पनि बताइएको छ ।
यो खबर पढेर तपाईलाई कस्तो महसुस भयो ?
प्रतिक्रिया