काठमाडौं । ‘भू-स्वर्ग’को उपमाले चिनिएको खप्तड यतिबेला सेताम्मे छ ।
चिसो मौसम अर्थात दिउँदमा भारी हिमपात हुने यस क्षेत्रमा अहिले जताततै सेतो मात्र देखिन्छ । वर्षायामका हरिया दलदले फाँटहरु पनि हिउँदे याममा सबै एकैनास देखिने गरेका हुन् ।
२७ सयदेखि ३२ सय फिट उचाइसम्म रहेको रहेको खप्तड क्षेत्रमा मंसिर, पुस, माघ, फागुन र चैतको पहिलो हप्तासम्म पनि हिउँले सेताम्य मै देखिन्छ ।
खप्तड भनेपछि सुदूर पश्चिम, सुदूर पश्चिम भनेपछि खप्तड ! एकले अर्कालाई यसरी चिनाएका छन् । दुईटैको परिचय एक साथ जोडिएर आउँछ ।
खप्तड साच्चिकै सुन्दर छ, मनमोहक छ र रमणीय पनि । खप्तडमा पुग्ने जो कोही खप्तडलाई भू-स्वर्गको संज्ञा दिन चुक्दैनन ।
स्थानीय भाषामा ‘२२ पाटन, ५२ झोती’ भनिने खप्तड सुन्दरताको मोतीका रुपमा पनि चिनिन्छ ।
ओझेलमा परेका कारण पर्यटक आगमन न्यून रहेको खप्तड पछिल्लो समयमा भने बिदेशीको समेत रोजाईमा पर्न थालेको छ ।
खप्तड जादा यात्रा केही कठिन भएपनि खप्तड पुगेपछि भने मान्छे पीडा, कष्ट, थकान सबै बिर्सिन्छ ।
खप्तड छ नै यस्तो, खप्तडको सुन्दरताका अगाडि मान्छे सबैथोक बिर्सिन्छ । खप्तडको विशेषता नै यही हो ।
हिउँदमा बुकी फुल होईन, हिउँ फूल्छ खप्तडमा ।
तस्बिर : दीर्घराज उपाध्याय
यो खबर पढेर तपाईलाई कस्तो महसुस भयो ?
प्रतिक्रिया