इलाम । गत पुस २५ गतेदेखि १६ औँ अनसन शुरु गरेका डा. गोविन्द केसीको स्वास्थ्य अवस्था झन जटिल बन्दै गएको छ ।
डा. केसीको स्वास्थ्यमा समस्या आएपछि उनलाई इलाम जिल्ला अस्पताल सारिएको थियो ।
उनको स्वास्थ्य अवस्था जटिल बन्दै गएको उपचारत चिकित्सकहरुले बताएका छन् ।
उपचारमा सङ्लग्न चिकित्सकका अनुसार डा. केसीलाई तत्काल आईसियू र सिसियूमा राखेर उपचार गर्नुपर्ने बताउँछन् ।
डा. केसीको स्वास्थ्य अवस्था चिन्ताजनक भइसकेकाले रोगसँग लड्ने क्षमता कम हुँदै गएको चिकित्सकहरु बताउँछन् ।
उनको छातीमा संक्रमण भएको छ । मुटुको चाल अनियमित छ । चिसो मौसमले गर्दा स्वास्थ्य अवस्था अझै बिग्रन सक्ने चिकित्सकको भनाइ छ ।
मङ्गलबारबाट एन्टिबायोटीक चलाइए पनि बुधवार बिहानको स्वास्थ्य रिर्पाेटमा थप जटिलता नआएपनि रिक्सभन्दा बाहिर नभएको चिकित्सकले बताए ।
डा. केसीको मुटुको चाल अनियन्त्रित भएका कारण कुनैबेला पनि जटिल समस्या निम्तने सक्ने हुँदा तत्काल केसीलाई आईसियुमा राखेर उपचार गर्नुपर्ने चिकित्सकले बताए ।
यो खबर पढेर तपाईलाई कस्तो महसुस भयो ?
प्रतिक्रिया