काठमाडौं । बर्दियामा प्रहरीले गोली चलाएको छ ।
बाँकेको कोहलपुरमा नेपाल प्रहरीको असई पदमा भर्ना हुन सुर्खेतबाट कोहलपुर पुगेका दीपकसिंह ठकुरीको हत्या भएको थियो ।
ठकुरीको हत्याका आरोपीलाई समात्न प्रहरीले गोली चलाएर हो । पक्राउ पर्नेमा युवराज गिरी रहेका छन् ।
उक्त घटनामा संलग्न भरत शाहीलाई प्रहरीले केहीदिन अघि सुर्खेतबाट पक्राउ गरेको थियो ।
पक्राउ परेका शाहीबाट घटनामा गिरीको पनि संलग्नता रहेको खुलेपछि प्रहरीले उनको खोजी शुरु गरेको थियो ।
त्यसक्रममा इलाका प्रहरी कार्यालय, कोहलपुरका डीएसपी रमेशबहादुर सिंह नेतृत्वको टोलीले उनलाई बर्दियामा भेटेको थियो । र, भाग्न खोजेपछि प्रहरीले गोली चलाएको हो ।
त्यस्तै प्रदेश ५ प्रहरी कार्यालयका प्रमुख डीआईजी पिताम्बर अधिकारीले गिरीको खुट्टामा गोली लागेको बताए ।
उनले भने पक्राउ गर्ने क्रममा उनले प्रहरीमाथि आक्रमक गरेपछि गोली चलाउने परेको बताए ।
खुट्टामा गोली लागेको उनको अवस्था सामान्य रहेको प्रमुख डीआईजी अधिकारीले बताए ।
गिरीलाई उपचारका लागि कोहलपुर टिचिङ हस्पिटल पठाएको र घटनाबारे थप अनुसन्धान भइरहेको उनले बताए ।
यो खबर पढेर तपाईलाई कस्तो महसुस भयो ?
प्रतिक्रिया