काठमाडौं । सर्वोच्च अदालते सीजी टेलिकमको पक्षमा गरेको आन्तरिम आदेश त्रुटिपूर्ण भएको भन्दै खारेजीको निर्णय गरेको छ ।
गत पुस १० गते सर्वोच्च अदालतले सीजी टेलिकमको पक्षमा जारी भएको अन्तरिम आदेश त्रुतिपूर्ण ठहर गर्दै खाजेजीको निर्णय सुनाएको हो ।
बिहीवार प्रधानन्यायाधीश चोलेन्द्र शमशेर राणा र न्यायाधीश ईश्वर खतिवडाको इजलासले यसअघि जारी भएको आदेश त्रुटिपूर्ण भएको भन्दै खारेज गर्ने निर्णय सुनाएको थियो ।
नेपाल दूरसञ्चार प्राधिकरणका तर्फबाट निमित्त कार्यालय प्रमुख पुरुषोत्तम खनालले गत पुस २४ गते सर्वोच्चमा भ्याकेटको निवेदन दायर गरेका थिए ।
त्यस्तै गत मंगलवार दुवै पक्षलाई छलफलको लागि बोलाएर हेर्दा हेर्दैमा सकिएको टेलिकमको फ्रेक्विन्सी लिलामी सम्बन्धी मुद्दामा सर्वोच्चले यस अघि दिएको अन्तरिम आदेश बदर गरेको हो ।
निवेदनमा सीजी टेलिकमलाई रोक्नुको कारण के हो भन्ने विषयमा आफ्नो कुरा समेत राख्न नपाएको र एकतर्फी रुपमा अन्तरिम आदेश जारी भएकाले खारेज गर्नुपर्ने प्राधिकरणले गरेको थियो ।
सर्वोच्चले गत पुस १० गते उद्योगपति विनोद चौधरी स्वामित्वको सीजी कम्युनिकेसन प्रालि लाई मोबाइल सेवा सञ्चालनका लागि आवश्यक अनुमति प्रदान गर्न नेपाल दूरसञ्चार प्राधिकरणका नाममा अन्तरिम आदेश जारी गरेको थियो । तर, न्यायाधीश दीपकराज जोशीको एकल इजलासले दिएको सो आदेश खारेजीका लागि प्राधिकरणले भ्याकेटको निवेदन दिएको हो ।
प्राधिकरणका अनुसार सीजीले गलत तथ्य पेस गर्दै सर्वोच्चको एकल इजलासबाट अन्तरिम आदेश जारी गराएको दाबी गरेको छ ।
यो खबर पढेर तपाईलाई कस्तो महसुस भयो ?
प्रतिक्रिया