काठमाडौं । नेपाल र जापानबीच कामदार आपूर्तिबारे समझदारी भएको छ ।
दुई देशबीच ‘कामदार आपूर्तिबारे ‘सहकार्यको समझदारी’(एमओसी)मा समझदारी जुटेको हो । सहमतिपछि अब एमओसीको मस्यौदा दुबै देशको मन्त्रिपरिषद बैठमा पशे हुने क्रममा रहेको छ । श्रम
तथा रोजगार मन्त्रालयका अनुसार जापानसँग यहि मार्च महिनाभित्रै एमओसीमा हस्ताक्षर गर्ने योजना छ ।
त्यसैअनुसार सहमति जुटेको मस्यौदालाई मन्त्रिपरिषदमा पठाउने र त्यसपछि हस्ताक्षरको मिति तय गर्ने मन्त्रालय स्रोतले जनाएका छ ।
कामदार आपूर्तिका लागि सरकारीस्तरबाटै संयन्त्र खडा गरेर जापानमा दुबै देश सहमत भएका छन् । अब म्यानपावर व्यवसायीले जापानमा कामदार पठाउदा छुट्टै प्रक्रियाबाट पठाउनु पर्ने छ ।
नेपाल र जापान सरकारले कोरियाको जस्तै छुट्टै संयन्त्र बनाएर कामदार छनोट गरी पठाउने व्यवस्था हुने छ ।
कामदार लैजाने विधि, प्रक्रिया, लागत, कामदारको सेवा, सुविधा, सुरक्षा लगायतका विषयमा दुवै देश टुंगोमा पुगेको हो ।
समझदारी भएपछि भाषा परीक्षा र सिप परीक्षण, कामदार छनोट प्रक्रियाको थालनी हुनेछ ।
जापानसँग कामदार आपूर्ति प्रक्रियामा म्यानपावर लगायतका बिचौलिया संयन्त्रलाई सहभागी नगराउन र शून्य लागतमै कामदार लैजाने व्यवस्था गर्न नेपालले अनुरोध गरेको थियो ।
यो खबर पढेर तपाईलाई कस्तो महसुस भयो ?
प्रतिक्रिया