३० वर्ष अगाडी पुष्प व्यवसाय शुरु गरेकी थिइन् प्रदिप खड्काकी आमा राधिका खड्काले ।
आफ्नो देवरबाट पुष्प वयवसायसम्बन्धि सिकेकी राधिकाले आफ्नै व्यवासाय शुरु गरेको तीन दशक पुरा भइसकेको छ ।
आफ्नो आमाको व्यवसायीलाई निरन्तरता दिएका हुन् प्रदिपले । उनको खड्का नर्सरीमा नेपालमा पाइने ९० प्रतिशत प्रजातीका बोट विरुवाहरु छन् ।
“ठ्याक्कै भन्दा २००० भन्दा माथिको बोट विरुवाहरु हामीसँग छ” , प्रदिपले भने “रुख र फुल गरी ।”
पाँच सात वर्ष अगाडी नेपालमै विरुवा हुने भएपनि पछिल्लो समय भने बाहिरबाहिरबाट आयात गर्नुपर्ने उनले दुखेसो पोखे ।
पहिला बिउ हुने भएपनि अहिलेचाहि जरा सहित आउँछ प्रदिपले भने ।
पहिलाको भन्दा बजार पनि राम्रो भएकोमा उनी दङ्ग छन् ।
“बजार एकदमै राम्रो छ पहिलाको तुलनामा , डिमाण्ड पनि धेरै छ ।” प्रदिपले भने, “डिमाण्ड अनुसारको सप्लाई भने हामीले गर्न सकेका छैनौं ।”
पुष्प मेलामा पनि उनको स्टल धेरै वर्ष देखि छ । तुलनात्मक रुपमा पनि अघिल्ला वर्षहरुको भन्दा यो वर्ष मानिसहरुको फोल्व राम्रो भएको उनले सुनाए ।
शरु भएको दिन अर्थात् शुक्रवार भने खासै मानिसहरु नभएको भएतापनि शनिवार भने उल्लेखनीय र उत्साहजनक रुपमा मानिसहरुको सहभागिता रहेको प्रदिपले बताए ।
प्लास्टिकको फूलहरुको व्यापार केही समय अघि राम्रो भएको भएपनि उहिले सक्कली पूmलहरुको व्यापार फस्टाउदै गएकाले पनि आफ्नो व्यवसायबाट उनी खुसी छन् ।
आफ्नो काम प्रति गर्व गर्दै उनले भने, “घर राम्रो देखिन्छ, सजिलो र सफा हुने भएकाले पनि मानिसहरु पहिलो रोजाईमा प्लास्टिकको फूलहरु पर्ने गर्थे ।”
तर अहिले मानिसहरुपनि सचेत हुन थालेका प्रदिपको ठम्याई छ ।
अयोजकले पार्किङको राम्रो व्यवस्था गर्न नसकेकाले पनि ग्राहकहरु कम भएको उनले गुनासो पोखे तर पुष्प मेलाले आफ्नो नर्सरीको प्रमोसन, विज्ञापन र फूलको विरुवाको पनि व्यापार राम्रो भएकाले उनी खुशी छन् ।
आयोजक फ्रिकल्चर एशोसीयसन नेपालका महासचिव विश्वमनी पोखरेलले आफ्नो आयोजनाको आशा पुरा भएको दावी गरे ।
“५० हजारलाई हामीले टार्गेट गरेका थियौं र हामी खुसी छौं हामी सफल भएका छौं,” पोखरेलले भने ।
आयोजनामा यो पटक केही कमजोरी भएको भएपनि अर्को वर्षबाट थप व्यवस्थीत बनाउने प्रतिबद्धता आयोजकको छ ।
यो पटक मेला र प्रर्दशन जुधेकोले पनि पार्किङमा समस्या भएको र गुनासो आएको स्वीकार गर्दै उनले अबको वर्षबाट यो सबै कम हुने समेत दावी गरे ।
व्यपार र अवलोकनको हिसावले पनि यो वर्ष निकै सफल र उत्साहजनक रहेको उनको तर्क छ ।
मेला अवलोकन गर्न आउने केहीले फूलहरु अत्याधीक महङ्गो भएको गुनासो गरिरहेका थिए भने ति मध्ये धेरै सन्तुष्ट देखिन्थे ।
उत्साहजनक सहभागिता र कारोबार गर्दै तीन दिनको पुष्प मेला आज सकिँदै छ ।
‘स्वच्छ वातावरण तथा आर्थिक समृद्धिका लागि पुष्प व्यवसाय’ भन्ने मूल नाराका साथ फ्लोरिकल्चर एशोसिएशन नेपाल र भूमि व्यवस्था कृषि तथा सहकारी मन्त्रालयले संयुक्त आयोजना गरेको थियो ।
फूल मेलामा मौसमी फूल, आलंकारीक बोट विरुवा, कट फ्लावर, ट्राइफ्लावर, सुनाखरी, कम्पोष्ट मल, फूलको गानो बीउबिजन, ग्रीनहाउस, कृषि औजार, उपकरण प्याकेजिङ, सामग्री, सुक्ष्म तथा थोपा सिँचाइ, आधुनिक र जैविक विषादी गरी ४८ बिक्री कक्ष छन् ।
मेलामा करिव ५० हजारले अवलोकन गर्ने तथा ६० लाख बराबरको आर्थिक कारोबार हुने अपेक्षा गरिएको थियो ।
यो खबर पढेर तपाईलाई कस्तो महसुस भयो ?
प्रतिक्रिया