सिरहा । सिरहामा एक महिलालाई जिउँदै मट्टीतेल छर्केर आगो लगाइएको छ ।
बिहीवार सिरहा नगरापालिका ८ की २१ वर्षीया कञ्चनदेवी मण्डल खत्वेलाई मट्टीतेल छर्केर जिउँदै आगो लगाइएको हो ।
घरायसी विवादका कारण कञ्चन जिउँदै जलाउने मनसायले आगो लगाइएको प्रहरीको भनाइ छ ।
प्रहरीका अनुसार कञ्चनकी सासुलाई प्रहरीले नियन्त्रणमा लिएको छ । तर, उनको पति भने फरार रहेको र खोजी कार्य जारी रहेको सिरहाका प्रहरी उपरीक्षक जीवन श्रेष्ठले बताए ।
आगोले कञ्चनको ८० प्रतिशत शरीर जलेको छ भने उनको अवस्था गम्भीर रहेको जनाइएको छ ।
कञ्चनलाई उपचारको लागि विपि कोइराला विज्ञान प्रतिष्ठान धरान पठाएका थिए । तर, अवस्था गम्भिर भएको कारण उनलाई काठमाडौं रिफर गरिएको छ ।
शरीरको अधिकांश भाग जलेको कारण त्यहाँ उपचार सम्भव नभएपछि कञ्चनलाई काठमाडौं रिफर गरिएको अस्पताल स्रोतले जनाएको छ ।
यो खबर पढेर तपाईलाई कस्तो महसुस भयो ?
प्रतिक्रिया