काठमाडौं । नेपाली कांग्रेसका नेता प्रकाशमान सिंहले प्रधानमन्त्री केपी शर्मा ओलीले संसदीय मर्यादामा आँच आउने शब्द प्रयोग गरेको बताएका छन् ।
काठमाडौं क्षेत्र नम्बर १ मा आज (शनिवार) आयोजित चियापान तथा भेटघाट कार्यक्रममा बोल्दै नेता सिंहले सो कुरा बताएकाा हुन् ।
गत मंगलवार सरकारले प्रस्तुत गरेको आर्थिक वर्ष २०७६–७७को नीति तथा कार्यक्रममाथिको छलफलमा प्रधानमन्त्री ओली संसद बैठकमा अमर्यादित शब्द प्रयोग गरेका थिए ।
प्रधानमन्त्री ओलीले संसदको मर्यादासमेत ख्याल गर्न नसक्नु लज्जास्पद भएको नेता सिंहले बताए ।
यद्यपी सांसदहरुसँगको प्रश्नोत्तरका क्रममा व्यक्त भएका अमर्यादित शब्द रेकर्डबाट हटाउन सभामुख कृष्णबहादुर महराले दिएको निर्देश दिएका थिए । उता सभामुख महराको प्रसंगमा उनले सो धारणा राखेका हुन् ।
नेता सिंहले भने, ‘प्रधानमन्त्रीको गतिविधिले संसदीय मर्यादामा आँच पुगेको छ ।’
सरकारले काम केही नगरी समृद्धिको नारा मात्र लगाएको आरोप लगाउँदै नेता सिंहले भने, ‘वर्तमान सरकारले सुशासन दिन सकेन, विकास बजेट खर्च गर्न नसकेको र संघीयता असफल बनाउन उद्धत छ ।’
दुई तिहाइ बहुमतको समर्थन पाएको नेकपा सरकारबाट जनताले राहत पाउन नसकेको दाबी नेता सिंहको छ ।
यो खबर पढेर तपाईलाई कस्तो महसुस भयो ?
प्रतिक्रिया