चीनको कोइला खानीमा दुर्घटना हुँदा सात जनाको मृत्यु

काठमाडौं । चीनको दक्षिण पश्चिम सिचुआन प्रान्तस्थित कोइला खानीमा बुधबार दुर्घटना हुँदा सात जनाको मृत्यु भएको  छ । 

स्थानीय आपतकालीन व्यवस्थापन अधिकारीहरूको अनुसार दुर्घटना सिचुआन प्रान्तको लेसान सहरको कोइला खानीमा कामदारले भेन्टिलेसनबाट हावा पठाउन काम गरिरहेका समय बिहान १० बजे भएको थियो ।  

 खोज तथा उद्धार टोलीले  सात जनाको मृत्यु भएको पुष्टि गरेको छ भने एक जना व्यक्ति अझै बेपत्ता भएकाले खोजी र उद्धार कार्य जारी छ । दुर्घटनाको कारणबारे खोज तथा अनुसन्धान भइरहेको छ । थप विवरण आउन बाँकी छ ।