काठमाडौं । उद्योग, वाणिज्य तथा आपूर्ति मन्त्री दामोदर भण्डारीले पर्यटन वर्षलाई सरकारले अनुकूल वातावरणमा बनाउन नसकेको बताएका छन् ।
शुक्रबार ज्वेलरी एक्सपो २०२४ को उद्घाटन गर्दै मन्त्री भण्डारीले नेपाल पर्यटनको एउटा महत्त्वपूर्ण गन्तव्य भए पनि सरकारले उच्च प्राथमिकताका साथ पर्यटन वर्षलाई मनाउन नसकेको बताएका हुन् ।
उनले भने, ‘नेपाल पर्यटनको एउटा महत्त्वपूर्ण गन्तव्य हो । यसमा सरकारले उच्च प्राथमिकताका साथ हरेक वर्षलाई पर्यटन वर्षको रुपमा मनाउने तर त्यसका लागि वातावरण अनुकूलन बनाउन सकेको छैन । यस्तो प्रतिकुलतालाई हामीले अनुकूलतामा बदल्न पर्नेछ । पर्यटनको गन्तव्य बनाउनुपर्ने छ । व्यवसायिकता, आइटी, ऊर्जा, एग्रिकल्चर क्षेत्रलाई सरकारले प्राथमिकतामा राखेर आन्तरिक र बाह्य लगानीको वातावरण सिर्जना गर्न सरकार प्रयत्नशील हुनुपर्छ ।’
साथै उनले उत्पादन र उद्यमशीलता जस्ता हरेक कुराहरू सरकारको प्राथमिकतामा रहेको बताए । उनले नेपालका युवा र महिलाहरूको उद्यमशीलता र व्यावसायिकताको लागि नविकतम सोच र चिन्तनलाई सरकारले सम्बोधन गर्न खोजेको बताए ।
यो खबर पढेर तपाईलाई कस्तो महसुस भयो ?
प्रतिक्रिया