पटका पड्काउँदा दैलेखमा १३ वर्षीय बालकको मृत्यु

दैलेख । दीपावलीको पटका पट्काउँदा दैलेखमा एक जना बालकको मृत्यु भएको छ । मृत्यु हुनेमा आठविस नगरपालिका–३ साई गाउँका भीमबहादुर कठायतका १३ वर्षीय छोरा भूपेन्द्र कठायत रहेका छन् ।

रकेट बम नामको पटकाको छर्रा दायाँ छातीमा लाग्दा मुटुमा असर पर्न गई उनको मृत्यु भएको इलाका प्रहरी कार्यालय राकम कर्णालीले जनाएको छ ।

मृतक भूपेन्द्र भीमबहादुरका एक्ला सन्तान हुन् । कठायतको मृत्युले यति बेला साई गाउँ शोकमा डुबेको छ ।